ئاتا-ئانىلارنىڭ پىكىر-تەكلىپلىرى ۋە باھالىرى بىز ئۈچۈن تولىمۇ قىممەتلىك.
توردا بولسىمۇ مۇشۇنچىۋالا ئوقۇغۇچىنى بىر يەرگە يىغىپ، شۇنچىلىك تەرتىپ ۋە ئىنتىزام ئىچىدە بۇ ئىشنى تاماملىغىنىڭلارغا قايىل بولماي تۇرالمىدىم. ۋاقتى كەلسە ئۆيىمىزدىكى ئۈچ-تۆت بالىغا بىر ئىشنى نەچچە ئاي ئىزچىل داۋاملاشتۇرغۇزۇشمۇ تەسكە توختايدۇ. سىلەر بۇ جەھەتتە بىز ئاتا-ئانىلارغا ھەقىقەتەن ياخشى ئۆرنەك بولدۇڭلار. ئاللاھ يولۇڭلارنى تېخىمۇ ئوچۇق، ئەجرىڭلارنى زىيادە قىلىپ بەرگەي!
ئالدىنقى قېتىملىق دەرسىڭلاردىنمۇ بەك رازى بولدۇق. دەرس ئۆتەش ئۇسلۇبى، يوقلىما، تاپشۇرۇق ھەممىسى بەك تەرتىپلىك، ئىشقىلىپ مۇشۇنداق كۇرسنىڭ بىزنىڭ بولغانلىقىدىن بەكلا خۇش بولدۇق. ئاللاھ رازى بولسۇن.
پەرزەنتلىرىمىزنىڭ ئىلىم -ئىستىقبالى ئۈچۈن ۋاقتىنى ، ئەجرىنى ۋە مېھنىتىنى بەرگەن مۇئەللىملىرىمىزگە چىن كۆڭلىمىزدىن رەھمەت ئېيتىمىز. ئاللاھ تېنىڭلارغا سالامەتلىك ، ئائىلەڭلەرگە بەخىت -سائادەت ۋە بەرىكەت بەرسۇن!
